A MULLER QUE FALABA EN SOÑOS

Unha moza que tiven falaba en soños. Non soamente falaba, que iso é bastante habitual, (de feito a miña filla berrou dúas veces esta madrugada: ¿Con quen estás xogando?); senón que tiña a involuntaria e incontrolada capacidade para manter conversas mentres durmía. Unha noite ficou durmida antes ca min e preguntou ¿Por que Santi vive nun hotel? Residíamos en cidades distintas, efectivamente, e os nosos encontros eran escasos. Deume medo preguntarlle nada.